Congrats 給十九歲的我 – 香港電影金像獎 – 最佳電影 致謝辭逐字稿 + Extra

====

The following is my version of a Verbatim Transcript 逐字稿 after carefully & repeatedly (6+ times) viewing and listening to the words of the 41st Hong Kong Film Awards Best Film acceptance speeches. This Verbatim Transcript 逐字稿 serves as my Congratulation Gift to 《給十九歲的我》”To My Nineteen Year Old Self” because truths still matter to me plus To My 19 is a documentary that I have called National Treasure of Hong Kong when I video interviewed the film’s co-director Ms. Mabel Cheung 張婉婷.

====

[t=82] 我係呢套戲嘅聯合導演郭偉倫 [K’s note:  William Kwok]。

好幸運呀我哋。突然間好緊張、好刺激唔知講乜嘢好。

我首先想感謝我哋呢套戲 [《給十九歲的我》] 嘅靈魂，係張婉婷小姐。 [ 現場觀眾拍掌 ] 

[t=110] 亞 Mabel 係電視可以見到我哋，我諗你應該好開心。

OK, Mabel 同我地講︰

[t=122] 「過去一段時間，由羅啟銳死亡嘅黑洞到《十九歲》面世，瞬間令我躲進一個可以栽種美麗植物嘅小花園，再因為一場風波，將我一頭掉進一個漆黑嘅森林。這一切，令我領悟到人生嘅無常。但係坂本龍一臨終嘅一句說話，畀我好大嘅啟發︰『藝術千秋，人生朝露』。

多謝呢段時間仍然給我支持同鼓勵嘅人。多謝業界對呢部電影嘅肯定。

令我黑暗當中漸漸見到曙光，讓我知道雖然人生處於低谷，但仍然意味着前路只有向上嘅可能性。

感謝石校長交畀我哋呢個任務，我哋今生無悔。

感謝所有參與拍攝嘅同學們，感謝你哋面對自己，面對觀眾嘅勇氣。

感謝10年來同我哋同甘共苦嘅團隊。人生有幾多個10年呢？可以畀大家追逐一個夢想，一齊面對高山低谷，最寶貴嘅係，呢10年嘅磨練，令我哋成為莫逆之交。多謝大家。」

給十九歲的我 – 香港電影金像獎 最佳電影

[t=209] 另外一位我哋嘅監製黃慧，因為佢今日身體抱恙，所以黎唔到。

咁由我哋嘅 [ 分組導演 ] 李淑嫻小姐 [K’s note: Edith]，代表佢講一番感言。

[t=222] 我哋黃同學，黃慧監製嘅致謝辭︰

多謝金像獎各位評判對《十九歲》嘅肯定。

感謝石校長嘅遠見，以學校重建為基礎，見證一群少女的成長，

交織成一個反影時代令我哋可以近距離觀察成長嘅歷程。

見證到教育、家庭、及社會對成長嘅影響。

好感謝佢對我哋嘅信任，交呢個咁艱巨同埋咁奇特嘅任務比我哋。

令呢個製作能夠開始，以令我哋經歷呢十多年既奇妙旅程。

感謝多位同學嘅慷慨，願意分享自己成長嘅過程，以自己嘅生命鼓勵同影響萬千觀眾嘅生命。

亦多謝一班傻勁嘅製作團隊。有佢哋嘅不離不棄，呢個製作先能夠完成。

最後請大家同我一齊祝福我哋嘅張導演，我嘅婉婷同學，經過咗咁多個月，無可理喻嘅折騰，

祝願佢明天就走出幽谷。再接再厲，後勁更凌厲。多謝。

[t=305] 郭偉倫︰跟住係我短短嘅說話啦。我要感謝嘅係英華女校啦，比咗信任我哋去拍呢部橫跨10年嘅一部紀錄片。我哋特別多謝 MBS。MBS 係後期公司，佢地十年來對我哋嘅支持。呢班兄弟姊妹，不離不棄，感謝佢地。另外 One Cool, One Cool 嘅專業團隊令我地套電影可以好靚。好優美。另外我哋要多謝係有啲無名英雄啦，包括幫我地抄十年 transcript 嘅一啲英華女校嘅同學。

咁到最後我個人想講一句就係：「香港拍紀錄片嘅導演，請你繼續努力去拍紀錄片。唔好驚，因為時代需要拍紀錄片，用鏡頭去紀錄我哋發生嘅事。記住唔好熄機，繼續拍，唔好驚，拍咗先算，剪咗先算，上咗先算。」

====

Bonus

《給十九歲的我》聯合導演郭偉倫 William Kwok – 《第41屆香港電影金像獎》「最佳導演」及「新晉導演」提名人專訪片段

====

我諗我哋呢套紀錄片原本嘅主題係關於成長。

成長係我哋可以真實噉樣面對我哋嘅過去。

不論好與壞，接受、唔接受既嘢。

咁當真正面對嗰一刻呢，我哋就會搵到乜嘢答案。

回顧番呢一個紀錄片，不論係佢個時間、個規模、同埋個主題，

同埋佢而家引伸出嚟嘅呢一個討論，都係前所未有嘅。

呢個參選會刺激到某啲人，咁所以大家都要好小心、好謹慎咁去講每一個字。

我哋都係好卑微咁拍緊紀錄片，同埋做緊一啲我哋認為啱嘅嘢，去記錄真實囉。

當然大家對真實嘅睇法可以好唔同，特別係係畫面背後發生咩事。

呢種真實觀眾或者好多 party 都有唔同嘅理解囉。

咁啊，可能有啲嘢要留待時間，留待空氣，留待大家去思考嘅嘢黎嘅。

畫面嘅嘢睇到 嘅真實，係最珍貴囉。

==== P.S. Press Release from YWGS 英華女學校 (Internet archived 20230425 version link) ====

本校得悉，由本校製作的紀錄片《給十九歲的我》，剛獲今屆香港電影金像獎評選為「最佳電影」，我們對評委的肯定表示感謝，但由於校方於二月已決定退出遴選，故今晚沒有派代表出席頒獎禮。本校就此向金像獎主辦方表達真誠歉意，並感謝主辦方連月來的協助和體諒。

《給》片拍攝時間長達十年，拍攝初衷是透過紀錄學校重建和學生的成長經歷，探討教育的意義。本校感謝擔任本片導演的張婉婷校友、監製黃慧校友和她們的製作團隊，在資源極有限的環境完成艱巨的拍攝，亦要感謝片中六位年輕校友多年來的參與。另外，拍攝團隊多名成員，是張、黃兩位的同期校友，她們都是出於對母校和學妹的愛護，多年來也一直無償參與拍攝工作，她們的付出值得充份肯定。本校重申，在本片拍攝過程中，團隊是本着被拍者同意和知情下的原則進行拍攝，絕無意進行強迫拍攝或偷拍，我們亦容許同學在拍攝期間退出。

英華女學校 謹啟2023年4月16日

====

For the record. 7 March 2023 – 有關紀錄片《給十九歲的我》聲明（2023年3月7日）(pix)

本校上月決定，由本校製作的紀錄片《給十九歲的我》，停止公開放映和退出本屆香港電影金像獎（下稱金像獎）「最佳電影」獎項的遴選。

《給》片在金像獎遴選總共獲得三項提名。金像獎早前向本校表示，要求我們提供《給》片，讓主辦單位在第二輪遴選向評審放映。

本校經過審慎考慮，亦先後與六位參與拍攝的校友、製作團隊和金像獎進行了深入的溝通，探討有關放映事宜，惟最後未有達成共識，故未能向金像獎提供影片放映。本校已將有關決定通知六位校友、製作團隊和金像獎。

校方尊重電影行業頒發有關獎項的目的、宗旨和慣例，惟校方考慮到各持份者的意願，因此重申本校不會以版權持有人身份參與任何形式的獎項遴選、接受或領取獎項。

《給》片拍攝時間長達十年，拍攝初衷是透過紀錄學校重建和六位校友的成長經歷，探討教育的意義。在簽訂同意書時，考慮到《給》可能帶來收益，故表明放映有關收益將撥入「學校重建基金」。

本片拍攝過程期間，拍攝團隊本著被拍者同意和知情下的原則進行拍攝。對於個別被拍攝者其後反映被拍攝情況及對剪裁後內容有所顧慮及擔憂，校方極度重視，故果斷地停止公映，並持續與各持份者溝通和跟進有關情況。

本校感謝製作團隊在資源極有限的環境完成艱巨的拍攝工作，以及片中校友們多年的努力及付出。《給》片得到電影界和其他界別的正面迴響和肯定，校方完全尊重製作團隊接受個人獎項的意願。

《給》片引起的公眾關注，以及有校友對電影公演表達困擾，我們非常重視。對事件引發的社會爭議，校方再次表達我們真誠的歉意。校方正進行深切的檢討，持續聽取各持份者的心聲，並會尋求專業意見，檢視我們在整個過程中的種種不足，總結經驗，繼續秉持英華女學校作為教育機構的理念和價值觀。

英華女學校 謹啟
2023年3月7日