「我城的地道菜」

亞省係加拿大出產牛肉嘅省份, 不過我就覺得啲牛肉其實唔係超好味 (唔夠肥??), 亦都幾貴 . 好彩近年搵到一間附近新開嘅韓國超市, 啲韓式薄切牛肉片, 肉質帶一啲肥, 又唔係太貴, 咁就對亞省啲牛肉有番啲好感. 當然 better half 煎嘅牛扒, 從來都係一流好味! ;)

話說幾個月前, better half同我比自己踢咗入會做卡城動物園嘅會員, 一個超值年費價錢(包泊車), 可以睇企鵝, 睇蝴蝶, 睇紅熊貓, …, 同埋等睇2018來嘅真熊貓, 其實係一個好好嘅發現. 仲可以順便”免費”做gym(行行企企3,4,5個鐘頭, 其實都幾係嘢, 同做gym差唔多)!

啱啱呢個星期六行完動物gym之後, 就收到好消息話 Michelle 又張「兩周一聚」復活啦! 版名重”江湖味濃郁”到叫【五湖四海】,又”非死不可版”! 好嘢, 好玩!

其實我都唔知道咩嘢叫做「地道菜」? 不過當時我同better half (同其他十幾廿個卡城嘅foodies) 坐坐企企係冰天雪地嘅街邊, 預咗等一個鐘頭去食日本拉麵, 咁我諗呢一 碗日本拉麵都當係「地道菜」啦!

附筆: 麺屋(Shiki menya)老闆/大廚 Koki 每日限賣150碗麵, 保持質量, 對食物都有堅持, 都幾令人高興! ;)
附附筆: 加多一張相同一句: “Happiness is a simple breakfast with my better half.” ;)

Advertisements

Comments are closed.

%d bloggers like this: