《我的女兒麥明詩》書評

啱啱睇完麥何小娟 (Silvia)嘅新書《我的女兒麥明詩—一張白紙到10優的培育經歷》. 同大家分享我對呢本書嘅一啲睇法, 寫一個簡短嘅所謂”書評”. 我少寫書評, 通常係我鍾意嘅書我先寫. 幾年前係大贊Alice 寫嘅「股神」畢菲特傳記 The Snowball, 本書有960頁, 所以我可以用個特別方式, 寫咗一個非常詳盡嘅”書評”. 之後有緣, 知道咗Alice嘅一啲行為同埋說話,非常佩服, 仲同佢做咗”Facebook朋友”.

好啦, 言歸正傳, 首先作者Silvia唔係一個普通媽咪. 有啲人買《我的女兒》, 係因為Silvia係10優港姐麥明詩嘅媽咪, 諗住睇完本書之後, 可以教番個囝囝囡囡攞到10優. 其實呢個諗法, 作者都會話你錯. 作者嘅丈夫麥卓生講得好, Silvia直情係一個「專業良母」, 點解咁講? 睇書嘅”作者簡介”, 就會睇到Silvia其實响香港/澳洲/美國, 都有專業嘅資格, 唔係普通媽打一名.

//麥何小娟 (Silvia) 作者簡介:
教育碩士(澳洲墨爾本大學)
衛生行政碩士(澳洲新南威爾士大學)
資優教育大學後文憑(澳洲蒙納許大學)
職業治療專業文憑(香港理工大學)*
香港註冊職業治療師
澳洲註冊職業治療師
美國註冊職業治療師(兒科)
資深職業治療師,曾於香港大學專業進修學院及香港教育大學#擔任客席講師,多次接受電台、電視台及報章訪問,並獲多間學校及機構邀請,分享培育子女心得。
育有一子一女,兒子麥明山畢業於香港中文大學醫學院,現職醫生。女兒麥明詩於中學會考獲十優佳績,劍橋大學法律系榮譽學士,2015年參選香港小姐,榮獲冠軍暨最上鏡小姐。
*前香港理工學院 #前香港教育學院//

作者有專業資格, 所以仔女(明山/明詩)細個嘅時候就開始教, 就用一啲好嘅理論/實驗作為根基去教. 唔同大部份家長咁, 只憑直覺去教自己嘅仔女. 書中有時作者會用上一啲外國英文專有名詞嘅中文翻譯, 就會令人睇得比較辛苦.  (「正向增強物」(positive reinforcer?)、「負向增強物」(negative reinforcer?))

書嘅封面印着呢啲簡介:

//育兒必修課 :
「正向增強物」、「負向增強物」、「正向處罰」、「負向處罰」
孩子會讚壞,但又要鼓勵,怎麼管教?何時放手?
子女享樂父母有責?中學生應該談戀愛?
以玩具、遊戲、生活體驗,培育快樂多元10優生。
這不再是人浮於事為口奔馳的年代,成功需父幹?怎樣激勵兒女搵工吃苦屢敗屢戰?//

上面一段文字, 以簡單又吸引嘅方法去介紹咗呢本書嘅一部份內容. 但係其中有一句, 我唔能夠認同: “以玩具、遊戲、生活體驗,培育快樂多元10優生”。作者响本書入面, 花咗好多心思舉咗好多用玩具、遊戲、生活體驗嘅例子同埋理論根據, 非常之有趣, 同好睇. 但係”培育快樂多元10優生”一句, 可能令到家長覺得, 如果佢地睇完呢本書之後, 可以逐步慢慢教仔女有10優咁嘅成績. 呢個係錯嘅睇法. 作者响本書度堅持, 仔女只要盡力而為, 就得啦. 唔係一定要攞A或者滿分, 甚至十優. 我之前有試過睇下點樣可以改一改呢一句, 以下就係其中一試:

10優生媽媽與您分享,如何以玩具、遊戲、生活體驗、培育快樂多元子女”

10優生媽媽”呢個係事實, 我亦都明白”10優”呢一點(加港姐)係書既一個大賣點. 但始終係教育呢一個重要嘅題目, 個重點要放於培育”快樂多元子女”而唔係”快樂多元10優生”.

筆者順帶一提, 香港有一個好奇怪的現象/風氣, 就係學生/學校, 甚至社會新聞媒體, 都將中學嘅公開試成績睇得太重. 會考(以前)/DSE(現在)成績有幾多A, 有冇9優或者10優? 中學係邊間名校讀書? 甚至有聽過大學畢咗業嘅成年人, 身痕走返去考中學公開試, 睇下攞到幾多個A. 呢啲所謂”成年人”真係發神經! 種種睇公開試睇得太重嘅行為, 都可能係令到中學生有過分壓力嘅原因. 响美/加/外國, 成功的商人或者科學家(諾貝爾獎得主),等等, 成名之後都可能留意吓佢地係邊間大學畢業. 係大學! 我從來都冇聽過佢地係邊間”名校中學”畢業, 中學公開試攞咗幾多個A?!

(注意: 照片可以點擊放大, 清楚閱讀)

My Daughter Louisa - Book Rev - Pix01 - cover

微型育兒百科全書

作者好有系統咁樣, 將唔同題目分成唔同章節, 因為有好多唔同有趣嘅例子同相片, 一啲都唔會覺得好似一本百科全書咁悶. 寫到有充實的資料, 理論嘅根據, 睇來有趣而又有內涵, 呢個其實幾難得. 作者就做得到啦.

(注意: 照片可以點擊放大, 清楚閱讀)

My Daughter Louisa - Book Rev - Pix03 - index encyclopedia

三個有趣故事/例子

我睇書嘅時候鍾意用筆畫低我覺得重要或者有趣嘅地方. 寫呢一個書評嘅時候, 我就重溫我畫低的筆記, 因為本書始終係~200頁的書, 我只可以抽其中三個有趣嘅故事, 同大家分享.

第一個故事, 係作者同麥明詩母女倆個人, 為咗一見水果僵持左大約一個鐘頭. 個一片水果完全唔重要, 作者處理嘅語氣, 堅持既原因, 之後嘅處理, 呢啲先至係家長應該可以學習的地方.

(注意: 照片可以點擊放大, 清楚閱讀)

My Daughter Louisa - Book Rev - Pix04 - fruit

第二個故事, 係一個地鐵嘅故事. 一個11歲嘅小朋友, 點樣可以幫到屋企人, 將一個非常重要嘅決定, 做得更加好呢?

(注意: 照片可以點擊放大, 清楚閱讀)

My Daughter Louisa - Book Rev - Pix05 - MTR

第三個故事係講作者鼓勵明詩勇於嘗試, 參加唔同嘅比賽, 幾乎每次都贏不到獎項. 有時落敗, 作者都送一些小禮物俾明詩為獎勵. 呢啲小禮物, 又代表咩呢?

My Daughter Louisa - Book Rev - Pix07 - gifts

三個簡單建議

1) 我明白作者要同出版商合作, 每一章節嘅標題, 都可能有編輯提供意見, 所以未必一定係作者自己的決定. 可能我有啲吹毛求疵, 我覺得”父母鼓勵 反敗為勝”呢個標題, 同本書嘅宗旨有啲背道而馳. 既然成敗輸贏都唔係太重要嘅話, 最緊要係個學習過程, 咁又何來反敗為勝呢? 當然,呢個我亦都覺得自己可能有啲太過過分”吹毛求疵”.

My Daughter Louisa - Book Rev - Pix06 - subheading

2) 我鍾意作者好有心機咁樣放咗一個參考書目. 有39本中英文參考書. 等有興趣嘅讀者, 可以伸延閱讀. 我自己都已經有用咗Google Book Search係搵咗一本書, 睇咗開頭幾頁書.
如果有機會, 其實可以將呢39本參考書, 分類於不同章回, 以方便讀者讀完不同章回嘅時候, 方便佢地伸延閱讀有興趣嘅特定題目.

3) 最後我好鍾意個”結語”嘅文字.

“結語

每個孩子都是獨特的, 是天父賜予我們的恩物. 因此栽培方法也不是千篇一律, 我們應多學習, 多思考, 再配合自己孩子的特質, 便能事半功倍.”

同埋兩張相, 一張BB相, 一張長大成人亭亭玉立嘅靚女相. 意重深(心)長. Before & After. Then & Now. 其實呢一段”結語”, 可以或者甚至應該係第一章第一節嘅說話, 等睇書嘅家長明白栽培方法唔會係千篇一律, 睇書可以睇得輕鬆啲.

書評結語

我的女兒麥明詩—一張白紙到10優的培育經歷》係一本有好多好例子嘅工具書 (微型育兒百科全書). 用家 (即係啲香港家長) 唔應該太緊張, 緊張到想將百科全書裏面每一個題目(每一招一式), 都想要用晒响自己嘅仔女身上. 其實只要用到三, 五, 八 … 招都有唔同程度嘅幫助, 始終要配合自己仔女嘅特質.

書中參考: Google book search readable result referenced as #38: Creativity and Giftedness edited by Donald J. Treffinger

新聞: “名人專訪.不是天生幸運兒 麥明詩媽媽:女兒不好勝 只是不怕輸

講座: 香港書展2016:一張白紙到10優的培育經歷

附筆: 呢次算係我第一次用電腦口講中文(廣東話)寫文章. 以前要用手寫嘅長文章, 要我花上幾個鐘頭, 太花時間. 而家我發現到電腦嘅新操作系統(Mac OS)可以俾我口講, 佢就幫我轉成中文字, 最多執下一啲別字. 咁就容易得多啦. 但係始終有時都會有啲錯字, 好似個”下”字, 應該有個口, 隔離先係個”下”字, 即係”吓”字. 呢啲無辦法啦, 敬請各位見諒.

Oct 21, 2016 Facebook comment update: P.S. By the way Silvia, I didn’t have the time to write this in Chinese. Plus I don’t know how to get the “tone” right. Since I am writing it now in English, I may as well just copy and paste this into the Chinese book review.

As I read your book, I kept thinking of the child development clinical psychologist Jean Piaget. I’ve found his work fascinating since taking PSY100 at university. Piaget and his wife Valentine Chatenay raised three children “Jacqueline (born 1925), Lucienne (born 1927), and Laurent (born 1931) were psychological subjects from the moment they were born.

I should have thanked you (and Louisa and 明山). So I am thanking you now for sharing the very personal and intimate stories and history of Louisa’s and 明山’s upbringing.

I am a long time fan and addict of longitudinal studies for they give me insight that only “time” (the most precious commodity) can provide. I was fortunate to get myself hooked in the “Up Series” (7 Up, 14 Up, etc) at the UofT AV library and I last watched 56 Up in 2012.

Silvia, as usual, I write too long and too much. I hope you will be pleased to hear one of your readers kept thinking of Jean Piaget as he read your book. This stranger will be watching 明山/明詩 grow old as I watch the participants of the Up Series (63 Up in 2019) grow old over time and wishing/hoping them to do well in life.

P.P.S. This “longitudinal study” (obviously not a scientific study in this film) started when these boys & girls were 7. Here they were all adorable as any seven years old would be in this first video “Seven Up (1964)“.

We last saw them when they were 56 in 2012. Worth finding the whole series to watch. Calgary library system has it, I wonder if HK library will have it or YouTube, etc.

When watching the films, I try to observe and learn as much as I can but also holding off any judgements or conclusions as it seems so unfair for me to “judge”.

Comments are closed.

%d bloggers like this: